De Kopp gestreckt
hoch zu de Sternen
de Fieß stehen onnen
dief emm Mescht
dau Mensch muscht emmer
nommo lernen
datt dau e Mensch nur
bescht
eich louen de ganzen Daach lo raus
de Sonn ged off - de Sonn ged onner
grad so wie uuser Lebenslauf
Hemden flattern off de Leinen
Katzen schloofen en der Sonn
Anna schnebbeld noch grüne Bohnen
De Kenner hann en Frosch gefonn
Refr. Watt dau welscht
- watt dau suchscht
Watt dau liebscht
- watt dau verfluchscht
kann der Himmel blauer senn ?
Watt dau sischt - watt dau
heerscht
watt dau gewennscht - watt dau verlierscht
kann der Himmel blauer senn ?
Glocken heehrd man aussem Dorf
vielleicht es äähner grad gebohr genn
odder ess äähner grad gestorf
Ed riecht no Korn onn warmen Wiesen
de Schwalben flieen hoch owen em Wend
de Äbbel hann scho rode Backen
so wie em Elisabeth sei Kennd
2.Refr. Emmer onnerwääch - kää Ruh
off de Socken enn de Schuh
emmer dräähn em Hamschderrädchen
Jeden Daach total geschlaucht
fer Sachen dei mer ganedd brauchd
emmer dräähn em Hamschderrädchen
Ed Lääwe dauert jo gar ned ewisch
paar Jahrzehnte laeifd dau romm
die meischden Sachen senn gar ned needisch
die meischden so gar reschdisch domm
Mach der nur nedd so vill Sorjen
do kemmd jo gar neischd bei raus
no jeder Naahd kemmd emmer en Morjen
da luen mir Zwei aussem fenschder raus
Michael Riehm , Juni
2008
